الليـــــــــ~ـــل هــــ~ــم..!!

الليل هم وحزمة جروح ووراق
............ وانا اتناثر باخر الليل وابقى

ما غير اولع كل تناهيد الاشواق
.......... واللي بقى من الشوق دمعات حرقى

ما قول ضاق الصدر لكن اذا ضاق
.......... تتكسر ضلوعي على الروح واشقى

وحدي وعيوني تمتلى وجيه وفراق
.......... كان البكى فرقى وراء دموع فرقى

يا طيب تاخذني على الناس بعناق
.......... والحين انا وياك يا طيب نبقى

معقول ما مرو على بحر الاحداق
.......... ولا شافو دموعي من الشوق غرقى

هذا انا من الليل واقف ومشتاق
.......... وهذي كفوفي من الوله دوم عرقى

من ليلا واشراقا الى ليلا واشراق
........... وارجع واعيد حكاية الليل وارقى

وارقى انتظر بالليل نجمي اذا فاق
.......... واصاحبه حتى السماء تصير زرقى

وارجع وحيد ولا معي غير الاوراق
.......... اكتبي جروحي وسط الاوراق وابقى

انا من بين كفينك شعورا يشبه الشعره
.......... اقولك شي ترى فدوه حياتي لو قطعتيني

اخذت من الصبر لا اخذ من الصبر صبره
.......... ما دام بغيبتك محدا يجي مثلك ويحيني

تعالي يا بعد روح الشعور ويا بعد عمره
........... انا البارح لهذا اليوم ابد ما غمت عيني

تنفستك شعور وفاح من صدر الغلا عطره
.......... تنهدتك وشفت الضيق يتنهد عناويني